Nabighani

Solo flight kong pinanood kanina ang One More Try sa SM North. Matagal ko nang plano 'to at sa wakas eh natuloy. Madami kasing alingasngas ang pelikula. May bongga at chaka kaya bet ko makita para malaman kung ano ang magiging opinyon ko.

One More Try (2012)
Star Cinema
Directed by Ruel S. Bayani
Starring Angelica Panganiban, Dingdong Dantes, Zanjoe Marudo and Angel Locsin

Six years ago eh umakyat sa Baguio si Edward (Dantes). Nabighani siya sa byuti ni Grace (Locsin) at may nangyari sa kanila. 'Di alam ni babae na may syota si lalake. Imbes na magalit, nanahimik na lang siya kahit najontis siya. Fast forward sa kasalukuyan. 'Di mabigyan ni Jacq (Panganiban) ng anak si Edward. Muntik na silang magkaroon kaya lang nalaglag dahil busy sa pagpapayaman ang loka. Si Grace naman, happy na sa jowang si Tristan (Marudo). So what's the complication? May sakit ang bunga nina Grace at Edward at nangangailangan silang gumawa ulit ng panibagong beybi para magamit ang bone marrow nito.

Ang daming nagsasabing ginaya lang daw sa isang international movie ang concept ng pelikula. May nagtatanong kung bakit 'di na lang ipadala sa Amerika 'yung bata para magamot? At marami pang iba. Basta ako, kebs sa mga 'yon. Nagustuhan ko ang istorya at ang mabilis na pagkakalahad nito. Isa na si Ruel Bayani sa mga paborito kong direktor.

Parehong magaling sina Angel at Angelica sa kani-kanilang role pero kung ako ang tatanungin, si Angel ang Best Actress. Pumasok siya sa karakter bilang ina na nangangailangan ng tulong at gagawin ang lahat para sa anak kesehodang magpaka-puta siya. May isang confrontation scene si Angelica na parang 'di siya maiyak at nagdedeliver na lang ng linya. Tuloy parang nilamon siya ni Dingdong. Todong magaling siya sa walkout scene sa klinika.

Parehong nagpakita ng tapur sina Dingdong at Zanjoe kaya sulit na sulit ang binayad ko. Ang kinis nung kay Dong. Inggit tuloy me kay Marian. CHOS! Infernezzz naman sa drama ni Zanjoe, umeffort siya kaya na-appreciate ko. Dingdong deserved the Best Actor award. Ang galing ng facial expressions niya. Just like Angel, ramdam mo na si Edward siya at hindi umaarte lang.

Rating: 5/5 stars