Thursday, December 7, 2017

Debosyon

Bago sumapit ang Pasko at ang Metro Manila Film Festival, inaanyayahan ko kayong manood ng award-winning movie na Maestra. Ito ay sa panulat ni Archie Del Mundo at direksyon ni Lemuel Lorca. Nagkaroon ako ng pagkakataon na mapanood ito kahapon sa UP Cine Adarna.

Maestra (2017)
Spotlight Artist Center/Dr. Carl Balita Production
Directed by Lem Lorca
Written by Archie Del Mundo
Starring Angeli Bayani, Anna Luna and Ms. Gloria Sevilla

Umikot ang istorya sa tatlong guro ng iba't ibang henerasyon - si Iah (Luna) na bagong graduate at nagnanais makapasa sa Licensure Examination for Teachers LET, si Gennie (Bayani) na kahit ilang beses nang bumagsak, patuloy pa rin nagsusumikap para makamit ang lisensya, at si Espie (Sevilla) na hindi balakid ang edad para patuloy na makapagturo sa bagong henerasyon.

Kakaiba ang istorya ng Maestra sa lahat ng indie films na napanood ko. Walang hubaran, sampalan, sabunutan at suguran na karaniwang mga eksena sa pelikula. Wala ring masyadong scoring at distracting na theme song. Natural ang dating.

Angeli Bayani deserves an award for her role
Ang Maestra ay tungkol sa buhay ng mga guro at sa kanilang debosyon sa piniling propesyon. Ipinakita dito ang mga pagsubok na kanilang hinarap at patuloy na hinaharap sa araw-araw. I was particularly touched sa eksena kung saan ilang oras ang todong binubuno ni ma'am makarating lang sa paaralan. Kinakausap pa niya ang magulang ng mga estudyanteng hindi na nagsipasok. Hanggang diyan na lang as I don't want to spoil the rest of the story.

With Archie Del Mundo
Madalang magkaroon ng pelikula na guro ang sentro ng istorya. The last that I can remember is Mila by Maricel Soriano pero tungkol pa 'yan sa personal niyang buhay. Habang tumatakbo ang istorya, hindi niyo mapipigilang makaalala ng isang guro na dumaan sa buhay niyo. You will appreciate them more than ever.

Maestra will have a limited commercial run on the following SM Cinemas on December 8 and 9:
  • SM Megamall
  • SM Mall of Asia
  • SM North EDSA
  • SM Fairview
  • SM Manila
  • SM Sta. Mesa
  • SM Southmall
  • SM Bacoor
Humakot na ito ng international awards at recognition sa Amerika, Australia at Venezuela kaya worthy talaga panoorin. Don't miss this opportunity, mga ateng!



Rating: 4/5 stars

Wednesday, December 6, 2017

Limitahan

Tumataas ang temperatura sa mga mall dahil sa dami ng utaw na nagsha-shopping. Kasabay niyan ang todo pila sa mga terminal ng jeep at FX. Ang bagal kasi dumating ng mga sasakyan gawa ng trapik sa daan. Well, oh well, what's new ba?

Pawala na yata talaga ang lokal na produksyon ng CDs at DVDs. According kay ateng tindera ng Astroplus, nagpapaubos na lang daw ng stock ang Sony kaya mega sale sila last month sa SM North. Some record companies are transitioning to Spotify, iTunes, and other digital format. Sad for collectors like me but we gotta accept it. Nagbabago ang panahon at kahit ayaw, kailangan sumabay or else, mapag-iiwanan. I can still buy pa naman online, medyo pricey nga lang so limitahan na lang sa talagang gustung-gustong kolektahin.

Maaga pa para ma-sad dahil pagpasok ko sa Fishermall, kiosk ng CDs at DVDs on sale ang bumungad sa byuti ko. Waley na akong inaksayang oras at siniyasat agad ang mga paninda. Mukhang lucky day ko, mga ateng, dahil ang mga indie movies na pinanood ko dati sa sinehan ay bonggang binebenta sa moraytang halaga. Gaano kamorayta? 25php sa VCD at cincuenta ang DVD. AYLABET!

Aside from Fishermall, pwede din gumora sa sale ng Universal Records na ang office na nasa Quezon Ave. din. It's happening every Friday, Saturday and Sunday at last 2 weeks na lang kaya pwede pa humabol ang mga kolektor diyan. 

Sunday, December 3, 2017

Winners of Manhunt International 2017

Napakinggan niyo na ba ang bagong album ni ateng Taylor Swift? Consistent siya sa paggawa ng magagagandang kanta huh! Aside from Gorgeous, pa-ul-ul kong pinakikinggan ang Delicate. Bagay na bagay sa fragility natin. Fragility daw oh!

Nagsimba din ako sa St. Jude last Thursday na saktong Bonifacio Day. May rally sa Mendiola at karamihan ng mga nagsipagpunta ay naka-red. Sa news ko na lang nalaman na pro-Duterte at RevGov pala 'yun. Akala ko feeding program at ang daming lafes sa daan. Nakakagutom lalo na nung nakakita ako ng nilagang saba. SARAP!

Speaking of saging, iba't ibang saging ang nagtipun-tipon sa Thailand noong November 27 para sa Manhunt International 2017. Level up ang quality of boys kumpara last year. Bet na bet ko rin ang pambato nating si Daniel Azurin mula sa kampo ni Jonas Gaffud, ang tunay na reyna ng Aces and Queens.

Daniel Azurin
Manhunt International Philippines 2017
Model and La Salle student ang koyah niyo. May accent din kumuda dahil lumaki sa states. Siyempre mega follow tayo sa IG account niya at very pleasing ang personality sa IG stories. Mukhang na-enjoy niya ang competition and he ended up being a top 16 finalist. Not only that, he bagged the Mr. Photogenic special award. Another achievement for our country in male pageantry.

Let's savour more on him with his delicious pics courtesy of Missosology and Thai Runway...

Bongga this national costume by Edwin Uy. Unique and very Filipino!
Parang mas sasarap ang pritong galunggong kung isasawsaw sa kili-kili niya
Winning the Mr. Photogenic award
Isa pang love ko sa Manhunt International ay ang swimwear competition nila. Very skimpy and sexy. Talagang maaaninag mo ang hugis ng bawat bansa. Ganyan dapat sa mga male pageants at hindi mga boring board shorts. Aan'hin namin 'yon? CHOS!

Manhunt International 2017: Vitenam - Truong Ngoc Tinh
1st runner-up: Thailand - Kongnat Choeisuwan
2nd runner-up: Lebanon - Gaetan Osman
3rd runner-up: Sri Lanka - Wazeem Cammar
4th runner-up: Indonesia - Andry Permadi
Dominated ng Asia ang top 5 particulary mga bansa sa SEA. Ang saya! Pinakapasado sa panglasa ko si Mr. Lebanon. Alam niyo naman kapag middle eastern, todong malinamnam at nanunuot sa kalamnan. Cutie pie din sina Mr. Thailand at Mr. Indonesia. Taon-taon, walang palya ang Manhunt sa pagdeliver ng malasang handa. PAK!

Tuesday, November 28, 2017

Salamat 8.0

Miss Universe 2016 Iris Mittenaere in Michael Cinco
Tulad noong 2015, dalawang Miss Universe pageant ang naganap ngayong taon. Tuluyan nang nagpaalam si Iris Mittenaere sa kanyang titulo after 10 months of wearing it at ipinasa kay Demi-Leigh Nel-Peters. Glamorosa ang lola niyo in her red Michael Cinco gown. Para sa akin, isa siya sa pinakamagandang Miss Universe winner.

Miss Universe 2017 Demi-Leigh Nel-Peters
After 39 years, nakuha muli ng South Africa ang korona ng Miss U. Kabog naman kasi ang beauty and personality ni Demi-Leigh Nel-Peters. Her gown and face reminds me so much of Zuleyka Rivera when she was crowned in 2006. May pagka-maldita ang aura at parehong Mikimoto crown ang korona. Nilampaso pa niya ang mga kalaban sa swimsuit, evening gown, interview at Q&A segments. Kaya kahit masama ang loob ng karamihan na 'di naka-swaksi sa top 5 si Rachel Peters eh tanggap nila ang resulta. Pakaganda naman kasi niya!

Rachel Peters during the swimsuit competition
Speaking of Rachel, I felt na ginawa niya naman ang best in all the rounds na kasama siya. Her body was to die for wearing that blue swimsuit. Eto talaga 'yung forte niya eh since she loves the beach according to her VTR.

Rachel Peters in Valta Guba
Ang bongga pa ng Valta Guba powder blue gown niya. Medyo sight nga lang ang white panties underneath. Sana nag-color skin tone siya para 'di masyadong halata. Although may nabasa ako na too revealing daw ang cut, sa akin ay tamang-tama lang. It highlighted her beautiful body.

Bet ko rin ang kanyang Sarimanok-inspired national costume na same designer din ang gumawa. Very innovative mula sa nakasanayang Filipiniana. Levelling tayo sa latina costumes.

Sarimanok-inspired national costume
Madami ang umasa na matatawag siya sa top 5. 'Yun nga lang, 'di tayo sinuwerte this time. May dirty chika pa nga na baka daw todong binabaan ni Pia Wurtzbach ang score niya dahil galing sila sa magkaibang beauty camp. ANG CHAKA! Feeling ko, masyado lang tight ang competition this year. Palaban lahat ng merlat sa top 10.

Kung ako ang tatanungin, almost perfect na ang performance ni Rachel. Siguro kinulang lang sa aura during the evening gown competition. Gusto ko man mag-twirl siya katulad sa Binibining Pilipinas eh hindi naman yata bagay sa suot niya.

Hindi pa naman tapos ang laban, mga ateng. May dalawa pang pageants na paparating... Miss Supranational sa December at Miss Intercontinental sa January. Malay niyo, sina Chanel Thomas at Katarina Rodriguez na pala ang mag-uuwi ng korona.

WE ARE PROUD OF YOU, RACHEL! ♥

Sunday, November 26, 2017

Lutong

Habang todo scroll ako ng Facebook news feed, nadaanan ko ang imbitasyon for Reflexive Cinema Series at the Cultural Center of the Philippines. Ipapalabas daw ang 1985 film na Bomba Queen starring Ms. Rita Gomez and Sarsi Emmanuelle. Hango ang istorya nito sa buhay ng 70's bomba star na si Yvonne. Bilang Sabado ang event at libre ang entrance, pinindot ko ang Going button. Naganap itez kahapon, November 25.

Saktong alas-tres ng hapon ang dating ko at doon lang sa venue sinabi na director's cut ang mapapanood namin. Tumataginting na 145 minutes ang itatakbo o 2 hours and 25 minutes. Ang haba, de vaahh?! Rare na ang ganyan sa mga pelikula, mapa-local man o foreign.

Yvonne and Sarsi Emmanuelle
Umattend ang bida ng pelikula na si Sarsi Emmanuelle na kahit ilang taon na ang lumipas ay maganda pa rin. Dumating din si Yvonne na may pasabog during the open forum. Bilang suporta sa kaibigan, naroon din si ASEAN lane kween, the one and only Maria Isabel Lopez. Kapag nakikita ko talaga siya, nagu-good vibes ako. Love her!

The original movie poster
Bomba Queen (1985)
Seiko Films
Directed by Efren C. PiƱon
Screenplay by George Vail Kabrisante
Starring Sarsi Emmanuelle, Myra Manibog, Ronaldo Valdez and Ms. Rita Gomez

Si Rose (Emmanuelle) ay binili ni Mommy Carol (Gomez) sa kanyang ina-inahan para maging artista sa Maynila. Hindi niya alam na gagawin pala siyang bayarang babae. Dahil hindi masikmura ni Rose ang kalagayan, tumakas siya sa tulong ng jowa ng bugaw (Valdez). Naging artista sa mga bomba films bilang Yvonne, nabuntis, naghirap at nalulong sa bisyo.

Dahil hindi maka-getover sa heartache si Mommy Carol, tinunton niya ang dating alaga at binalak perahan. Ang lutong ng sampalan nila sa garden na nauwi sa pagkalaykay ni Yvonne sa mata ng bruha. Mas sumidhi ang poot ng lola niyo kaya humantong sa kidnapan ang eksena. In the end, nailigtas ang bata at napatay ang kontrabida. Mala-Tomb Raider ang ending.

Napaka-sensual nang pagkakagawa ng Bomba Queen lalo na ang mga sex scenes. Naloka ako doon sa pinilit ipabuka ang bibig ni Rose at dinuraan. Lunukin pa daw. YAY! Tsaka 'yung bonggang eksena na sumasayaw sa harap ng madlang pipol si Lorna played by Myra Manibog. May dala siyang saging, binalatan, pinasok sa kipay at hiniwa-hiwa palabas. Kawawang saging ahahahaha!

After the film showing, the moviegoers had the chance to ask questions. Naging emosyonal si Yvonne sa isang tanong because it was a painful moment in her life when the movie was shown. 10% lang daw ng pelikula ang totoo. Nag-file siya ng lawsuit against the producer which was Robbie Tan of Seiko Films. Pero dahil sa higante ang kanyang kinalaban at tumestify pa against sa kanya si Ms. Rita Gomez, natalo siya sa kaso. She got teary eyed upon stating this. Kung mapapanood niyo ang pelikula, halata namang ang layo sa realidad nung ibang eksena lalo na ang ending.

On the other hand, Sarsi Emmanuelle has no plans yet to return to showbiz. Gusto muna niyang mag-focus sa kanyang 8-year-old baby. Malay natin, kapag may magandang offer at role, bumalik siya sa akting. She's a great actress, IMO.

Thank you to the Society of Filipino Archivists for Film (SOFIA), National Commission for Culture & the Arts (NCCA) and the Cultural Center of the Philippines - Media Arts Division for giving the public the opportunity to watch this classic Filipino movie. We are looking forward to your next screening.

Puna

Usapang tren pa rin, mga ateng. Sumakay ng MRT at LRT ang bagong presidential spokesman na si Harry Roque to understand the situation of everyday commuters. Inulan ng puna ang kanyang ginawa dahil tila daw publicity stunt at maagang pagpaparamdam sa 2019 election. Paano ba naman, sumakay siya na tapos na ang rush hour. Ang dami pa niyang kasamang media at hindi naiwasang ma-VIP treatment.


Mukha naman sincere si PS Roque sa kanyang hangarin. Hindi lang maiiwasang mabahiran ng puna lalo na't wala masyadong tao nang sumakay siya. Tsaka siyempre, kapag alam ng pamunuan ng tren na may government official na sasakay, best foot forward 'yan. Gagawin ang lahat para maging seamless ang experience. Sila din kasi ang mapapahiya at baka masabon pa ng kanilang mga bossing.

Sumakay na rin noong 2014 si Senator Grace Poe pero mas positibo ang tanggap ng mga utaw. Ibang-iba naman kasi kung ikukumpara sa ginawa ni PS. Let us refresh our memories 3 years ago...


Oh de vah?! Todo pila talaga ang anak ni FPJ at walang kasamang bodyguard o sandamukal na media. Hindi pa siya nakaabala sa ibang pasahero. Mas marami din siyang napansing problema na sadly eh hanggang ngayon nag-e-exist. 

Kelan oh kelan ba masosolusyonan ang problemang ito? Sino-sino pa ang sasakay para malaman talaga ang paghihirap ng masang Pilipino? 

Wednesday, November 22, 2017

Kumalas

Kahit hindi na ako nag-e-MRT araw-araw, hindi ko maiwasang maapektuhan sa tuwing binabalita na tumirik ang tren, North Ave. to Shaw lang ang biyahe o di kaya nagpababa ng mga pasahero at todong pinaglakad hanggang sa pinakamalapit na istasyon. At nito lang, kumalas ang bagon sa pagitan ng Buendia at Ayala station. Konti na lang eh, Ayala na. Pucha, nabitin pa. Ayun, late tuloy. Tsaka 'yung feeling lang na maglakad sa riles in your business attire at leather shoes, ang init na. Paano pa kaya kung itatapak mo sa naglalakihang bato ang iyong doll o pump shoes? Doble pasakit kung may heels pa. PATAWARIN!

Infairness naman kay Pangulong Duterte, nagpakumbaba at humingi ng dispensa sa publiko. Although isa sa pangako niya ang pagsasaayos ng MRT noong halalan, understand that it would take time. 'Wag lang sanang abutin ng anim na taon.

Nagsampa na rin ng kasong plunder ang DOTr laban sa dating administrasyon dahil sa diumano'y maanomalyang maintenance contract. Bahala na ang Ombudsman diyan, ang mahalaga ay may managot sa paghihirap ng mga Pilipinong umaasa sa mabilis, ligtas at maaasahang tren.

Bukod sa tren, eto pa ang ilan sa problema ng MRT:
  • Riles - masyado nang gasgas kaya hindi mapatakbo nang mabilis ang tren. Baka magkadisgrasya pa.
  • Elevator/Escalator - palaging out of service. Nakakaawa ang mga senior citizen, PWD at buntis na hirap na hirap umakyat sa matarik na hagdan. 
  • Mandurukot - andiyan pa rin ang mga nang-iipit sa pintuan at nanglalaslas ng bagelya. 'Di mahuli-huli. KALOKA!
  • Haba ng pila - hindi makokontrol ang dami ng tao na nais sumakay ng tren pero mapapaikli ang pag-aantay kung sunud-sunod ang dating ng tren
Mr. President and DOTr secretary, we have high hopes that you will work hard to provide us a reliable MRT. Kahit na sira-sira at palaging may aberya, hindi ito nawawalan ng pila. Tulad 'yan ng pag-asa namin na sana balang araw, bobongga ang serbisyo nito. After all, the Filipino people deserves high-quality service.